سمارة بقلم فاطيما يوسف

قمقم الفقر اللي انت عايشه فيه ونزهتك وحسستك انك ست جايه دلوقتي تتفرعني عليا فوقي يا بت امبارح مش هتصيع على نعمان بدل ما افوقك 
جيوش الڠضب اتجمعت جوه قلبها وعينيها بغل وهو بيفكرها بكره ابوها ليها وحتى هو كمان واخدها سلعه يعمل فيها اللي على كيفه وکرهت صنف الرجاله كلهم وحلفت لا ټنتقم منه اشد اڼتقام هو وابوها اللي ما وريهاش يوم عدل في الدنيا وكأن الشيطان وسوس في دماغها بالتقيله اللي هتدمر بيها الكل 
وقربت منه بدلع وقررت انها تستخدم معاه مكر الستات اللي ما حدش يقدر عليهم ابدا 
جرى ايه يا نعومتي انت صدقت هو انا برده ليا في الدنيا غيرك ولا راجل في الدنيا يملا عينيا غير نعمان باشا قلبي على سن ورمح طب ايه رايك مش مزاجك تعكر والله لاظبطه لك النهارده واخليك تحلف ان اليوم ده ممرش عليك يوم في حلاوته في حياتك كلها يا نعومتي 
نعمان ريل من الكلمتين الدلع اللي سمعهم من سماره في ثانيه شكل ما تكون كلامها سحر وهو بيغمز لها 
ايوه اظبطي على النغمه دي على طول والمرسى ابو العباس لو فضلتي عليها لنروقوكي ونظبطوكي ونخلوكي ولا اجدعها برنسيسه فيكي يا اسكندريه بس بعيد عن المخاليق ويلا اظبطي الاداء يا مس أليكس 
محروس اول ما شاف عربيه نعمان داخله الفيلا جري عليها علشان يفتح له باب العربيه كالمعتاد وهو بينده على سمير ابنه 
واد يا سمير انجر يا واد خد الشنطه من البيه اخلص ورايا على طول علشان البيه بيبقى داخل مستعجل وما بيحبش التاخير 
لحق سمير ابوه وهو ماشي براحته وده اللي نرفز محروس وحلف لا يرنوا علقھ على البرود بتاعه ده وصل للعربيه وفتح له الباب فزعق له نعمان 
هو انا مش قايل لك 100 مره يا محروس ما تزعقش لسمير قدامي شكلي هرفدك وهرجعك بلدكم الصعيد تاني وامسك سمير الفيلا وكل حاجه هنا علشان ما تبقاش تزعق له بالطريقه دي تاني 
حك محروس راسه وهو بيبص لسمير من تحت لتحت نظره كلها توعد بسبب الكلمتين اللي سمعهم من نعمان 
حاضر يا باشا اللي تؤمر بيه بس هو بيزهقني بلكاعته والمفروض الراجل ما يتلكعش كده ويصلب طوله ويوبقى حرك 
سمير جاي مد ايده عشان ياخد الشنطه منه لكن نعمان ما رضيش يديها له وهو بيقول له بهدوء وبيطبطب على ضهره 
خليك انت يا سمير ابوك اللي هيشيلها علشان يبطل يفتري عليك عمال على بطال
ومد ايده بالشنطه لمحروس واخدها منه ودخلوا على جوه واثناء ما هم ماشيين بيتكلم نعمان مع سمير 
ما حدش شايفك بقى لك يومين يا سمير مختفي فين 
رد عليه سمير وهو بيحك في راسه وبيبص على ابوه قوي
معلش يا نعمان بيه ببقى حالي مهدود طول النهار في البيت والطلبات بيجي عليا الليل برتمي على السرير ما بقدرش اقوم من مكاني 
طلب
منه نعمان 
طب يبقى اطلع لي فوق انا عايزك في حبه هدوم صغروا عليا عايز اديهم لك بعيد عن ابوك علشان ما ياخدهمش يبيعهم زي كل مره 
حرك سمير راسه بموافقه
حاضر يا باشا هخلص اللي ورايا واطلع لك 
اكد عليه نعمان
لا انا مش عايزك تعمل حاجه في البيت النهارده خالص وهنبه على ابوك كفايه عليك بيصحيك من قبل الفجر ويشغلك زي الفاعل طول النهار 
دخلوا على الفيلا كانت والده نعمان كالمعتاد تشرب قهوتها في الوقت ده وبعد ما دخل وقعد وحط سمير الاكل على السفره وقف وراهم علشان يخدم عليهم فبتتكلم والده نعمان وهي بتاكد عليه 
اعمل حسابك ما فيش مفر النهارده من زياره العروسه اللي اخترتها لك واظن انت شفت صورتها وما قدرتش تطلع فيها عيب وانا اتفقت مع الناس انك هتيجي معايا النهارده بعد المغرب وهتقضي السهره مع عروستك في المطعم اللي انا عازماهم فيه وحذاري يا نعمان تطفشها زي ما بتطفشهم كل مره 
نعمان بص على سمير لقاه مركز معاهم فرد على مامته 
طب ليه يا ماما تاخدي الميعاد من غير ما تقولي لي وتستاذنيني افرض ورايا شغل انا النهارده مش فاضي اعتذري لهم 
صممت والدته انه يروح الميعاد وهي بتقول له عنوان المطعم
طيب يا نعمان بعد المغرب ما لقيتكش موجود قدامي ومشينا على المطعم لانت ابني ولا اعرفك وقلبي وربي غضبانين عليك انا نفسي تتجوز واشيل عيالك بايدي هو انا ليا غيرك ولا بنت ولا ابن ما رضيتش اتجوز بعد ابوك الله يرحمه علشان ما اجيب لكش جوز ام انت عايزني افضل عايشه لوحدي كده كتير انا عايزه حفيد واثنين وثلاثه يانعمان 
نعمان ما قدرش يفلت من تصميم امه وهو لسه مركز مع سمير وبعد الغداء ما خلص طلع نعمان على اوضته عشان يستريح الساعتين الفاصل بتوع الغداء وبعدين يرجع شغله تاني وطلب من سمير انه يطلع وراه عشان يدي له الهدوم 
واول ما طلع نعمان وسمير واخدين على بعض جدا الفرق ما بينهم في السن حوالي خمس سنين نعمان اكبر فيهم ومتربي معاهم من وهو صغير وبيعتبره زي اخوه مش واحد شغال عندهم وبياخذ رأيه ومشورته في كل حاجه
مبروك يا باشا على جوازك شكل العروسه اللي منقيها لك الست هانم قيمه وسيما وحاجه اخر فخامه ربنا يسهل لك 
نعمان عينيه زاغت وسمير بيتكلم عن العروسه 
طب ايه رايك بقى ان انا هطفشها زي ما طفشت اللي قبلها انت عارف مين اللي في القلب يا سمير واللي بيظبط دماغ نعمان فكك من حوار العروسه ده وقول لي انت هتفضل ترضى بمعامله ابوك دي كثير انا بتخنق كل اما اشوفه بيزعق لك 
والله يا باشا ما باليد حيله دي ابويا ومضطر ان اني استحمله وبعدين دي راجل صعيدي ودقه قديمه ومخه متركب على كده فمش هاجي اعدل الكون هوا وادينا عايشين الحمد لله 
ناوله نعمان الهدوم في كيس مقفول 
طب خد الهدوم دي جايبها لك نقاوه حاجه كده خامه وفخامه تليق عليك يا سمير خبيهم بعيد عن ابوك علشان دول مش زي اللي جبتهم لك قبل كده خالص مختلفين وعايز اشوفهم عليك قريب 
بص سمير على الهدوم وهو بيقلب فيها ومنبهر بيها 
ده ايه الحاجات التحفه دي يا باشا ما انحرمش منك ولا من مجايب ايدك 
خلاص روح يا
سمير عشان استريح وافضي دماغي للحوار بتاع بالليل ده عشان اعرف اخلص منه ولو ان امي حلفت عليا انها هتتبرى مني لو طفشت العروسه ربنا المسهل بقى 
في مكان تاني بتتكلم سماره مع صاحبتها وهم ماشيين في السوق 
الله ايه يا بت يا سماره الهدوم الأبهه دي ده اللي يشوفك يقول عليك ولا هوانم جاردن سيتي مين اللي جاب لك الحاجات الخطيره قوي دي انطقي 
اهم جايين لي من عند الله واللي عند ربنا ما بيخلاش 
مالك يا سماره حزينه كده ليه وبتتكلمي كانك شايله هموم الدنيا بحالها 
يعني مش عارفه يا صاحبتي انا مالي الدنيا كلها جايه عليا الراجل اللي وهبته نفسي بقالي سنين عايشه معاه مستخسر يكتب عليا حتى لو ورقه عرفي وابويا مسخرني تحت رجليه عشان اجيب له الجنيه وما بيهونش عليه يجيب لي حتى جلابيه ألبسها شكل ما يكون صنف الرجاله على الدنيا مستخسرين يخلوني اعيش حلوه زي البني ادمين انا مش بتعري بحقيقتي غير قدامك انتي يا صاحبتي 
يا اختي بلا هم طب ما تسيبك منه نعمان ده واللي يجي منه في 60 الف داهيه طالما هيوقف حالك وروحي اعملي لك العمليه ترجعي بنت ثاني وعيشي حياتك واتجوزي انت الف من يتمناك يا سماره 
وتفتكري ابويا هيشوفني بنتي زي البنات وهيرضى لي ان اتجوز ويضيع البيضه الذهب اللي بتجيب له الافات كل شهر ويكنزهم ويخزنهم لحد ما العته هتاكلهم 
سيبك من ابوكي انت ممكن تروحي مكان ثاني تعيشي فيه طالما قربت تبلغي السن القانوني وتعيشي مع نفسك وتعتمدي على نفسك وانت تقدري انت ب 100 راجل يا سماره 
ما تقوليش انت ب 100 راجل دي تاني انا بكرهها يا نعمات ما تقوليهاليش تاني لو سمحتي 
خلاص خلاص ما تتعصبيش اني مش عارفه خلقك ضيق النهارده كده ليه ايوه يا جدعان عليك وعلى العرق الصعيدي اللي فيكي 
معلش يا نعمات اتعصبت عليكي البيه النهارده رايح يقابل عروسه علشان يخطبها وأمه صممت انه يروح يقابلها وانا النهارده عامله له خطه في دماغي هولع في قلبه واخليه ما يعرفش يقعد معاها ولا يتهنى ثانيه واحده من اللي هعمله فيه 
ايوه يا سماره هتجيبي لنفسك وجه الدماغ نعمان قرصته والقپر ومش هيعدي لك اللي هتعمليه خليك في حالك يا بنتي وابعدي عنه واللي يجي منه احسن منه 
وايه فايده الفلوس اللي هو بيديها لي والهدوم اللي هو بيجيبها لي طول ما انا مدفونه بالحياه تحت قمقم ابويا اللي مش مخليني عارفه اتنفس انا لازم انتقم منهم كلهم انتقم من ابويا اللي وصلني للمرحله دي وانتقم من نعمان اللي استغلني من سنين واستغلت طفولتي وبراءتي كلهم لازم ياخدوا جزاهم على اللي عملوا فيا كلهم لازم قلبهم يتحرق زي ما هم حارقين قلبي 
يا بنتي بلاش الاڼتقام اللي في دماغك ده سيبك من التفكير اللي هيوديكي في داهيه والله ما فيش حل غير اللي انا قلت لك عليه انك تبعدي عن ابوكي وعن نعمان ده خالص ما هو مصېبه هيتجوز امه مش هتسيبه كده ما هم مسيره هيتجوز ومسيره هيبعد امه مش هتبطل غير لما تجوزوا وانت اللي هتخسري 
اهرب اروح فين ان كنت هعرف افلت من ابويا مش هعرف افلت من نعمان اصلك ما تعرفيهوش متملك زياده
عن اللزوم وحاططني في دماغه قوي وشكلي كده هفضل تحت قبضه رحمته العمر كله زي ما هفضل تحت رحمه ابويا برده العمر كله كل واحد فيهم يشكلني على كيفه بمزاجه وكل واحد فيهم يستفاد مني زي ما يحب 
والله انا نصحتك وانت حره وبعدين انت مقروده وتعرفي تفلتي من ايتها جن مش هتعرفي تفلتي من نعمان وابوكي انت حره بقى اعملي اللي على كيفك بس ما ترجعيش ټعيطي وتقولي لي الحقيني يا نعمات 
بالليل جه معاد مقابله نعمان مع العروسه اللي هم جايبيها له وبعد ما الامهات قعدوا مع بعض شويه سابوهم الاثنين يتناقشوا مع بعض فالعروسه حست ان نعمان متجاهلها من اول القعده واول ما امها قامت وشافته عمال يتلفت حواليه يمين
وشمال مسكت