قصة العجوز بقلم محمد ابراهيم

ويمكن ده كان تفكيره قبل اللي حصله واللي حصله كان صعب جدا على ان حد يتحمله وده هيخليني أحكي الموقف اللي حصلي انا وهو.
كان يوم ۏفاة والد نور وطبعا كنت واقف معاه لأخر العزا بعد ما العزا أتفض ومشيت علشان اروح.. الوقت كان برضو متأخر بس عدى على اول موقف سنتين.
أنا من الشرابية .. عندنا كوبري إسمه كوبري أبو وافية طلعت الكوبري إللي كان طبعا خالي تماما من العربيات والناس كنت ماشي لواحدي وبالتحديد كنت ماشي على شمال الكوبري .
طلعت موبايلي وأتصلت بخطيبتي وفضلنا نتكلم وأنا ماشي على الكوبري فجأة سمعت من ورايا صوت تزييق .. تلقائي بصيت ورايا .. كنت وصلت لنص الكوبري .. ولما بصيت لقيت على اول الكوبري شخص لابس جلابيا بيضا وماشي بيزوق عجلة قديمة وكانت هي مصدر صوت التزييق دا.
فضلت باصصله ومن منظره بصراحة قلقت شوية ده لانه كان عمال يضحك ويسكت .. يضحك ويسكت!.
لما خطيبتي لقيتني ساكت قالتلي  
_ يا عاصم .. عاصم في ايه رد عليا .
قولتلها على اللي شايفه ولقيتها بتأكد كلامي وبتقولي 
_ ايوة انا سامعه صوت ضحكته .. شكله مچنون يا عاصم .. امشي وملكش دعوة بيه .
لما قرب شوية لقيته راجل عجوز بعيدا عن إنه كان مشمر الجلابية لحد ركبته رغم إننا في الوقت دا كنا ف عز الشتا والمطر كان بيمطر ! .
كان ممكن أخد الموضوع ببساطة وأسمع كلام خطيبتي وأمشي وانا مش مركز معاه بس وقتها ماعرفتش بصراحة .. وكل شوية بقيت ببص ورايا الكوبري مكنش فيه الإضاءة الواضحة اللي تخليني شايف كويس .
اللي عمله لما طلع الكوبري انه لف نفسه بالعجلة ونزل مرة تانية بس المرادي ركب عليها وبدأ يبدل على العجلة بسرعة وبنشاط شاب مش عجوز !! .
ورجع تاني زي ما جيه وأختفى من قدامي قولت لخطيبتي على اللي حصل لقيتها بتقترح عليا نغير الموضوع وده بالفعل اللي حصل وقتها لحد ما قربت انزل من على الكوبري سمعت مرة تانية تزييق العجلة والعجوز بيطلع بيها المطلع وهو بيزوقها! .
اللي عمله بعد كدا إنه بصلي وضحك و بدأ يركبها وبحركة مش مناسبة لسن الراجل ولا حتى للعجلة لقيته بيبدل بسرعة وبييجي نحيتي وهو پيصرخ ! .
في الوقت دا خۏفت ومديت بعد ما قفلت مع خطيبتي لاني كنت متوتر لدرجة إني بدأت أجري وكل ما أبص ورايا ألاقيه بيقرب أكتر ! .
في نهاية الكوبري في حوداية على الشمال .. دخلتها وجريت كام متر لقدام طبعا مابقتش شايف العجوز لإنه كان لسه على الكوبري لما وقفت فضلت أبص ورايا كنت مستنيه يظهر لكن دا ماحصلش .. فضلت مستنيه أكتر من عشر دقايق ومالوش أي أثر ! .
بدأت أخد نفسي وانا باصص على نهاية الكوبري واحد مكاني كان مشي ونفد بجلده لكني ماعملتش كدا ورجعت تاني أبص على الكوبري واللي حصل اني مالقتهوش أصلا ولو كان خد الكوبري علطول وماحودش ورايا كنت هاشوفه وأنا واقف مستنيه ! .
بمعنى تاني أوضح .. العجوز أختفى نهائي ولأ مرجعش تاني زي ما عمل ! .
ضړبت كف على كف ولفيت جسمي علشان أمشي بس لما لفيت نفسي وبصيت قدامي لقيته قاعد على سور مدرسة طويل جدا وباصصلي والعجلة تحت منه على الأرض مكسوره مية حتة !!! .
ماهتمتش بقى هو طلع إزاي الطول دا وماهتمتش هو ظهر إزاي و إمتى .. والأهم إني ماهتمتش لما عيني جت ف عينه لقيتها منوره ولا أي حاجة من دي .
كل إللي عملته إني جريت بأقصى سرعة عندي ! .. جريت أكني مجرتش قبل كدا في حياتي نظرته ليا مكنتش طبيعية واللي اكدتلي انه مش بني ادم!.
قعدت فترة أشوفه بيظهرلي في أوضتي بالليل لثواني ويختفي علطول انا عارف انه جن وده خلاني أتأكد لما كنت بشوفه اني بيتهيألي بس جيت اقول لنفسي لو بيتهيألي طب ازاي خطيبتي سمعت صوت ضحكته .
عدى كام يوم ووقتها حكيت لصحابي على اللي شوفته .. لقيت معاذ قالي
_ طبعا غلط .. مافيش حاجة اسمها عفاريت ما انا قولتلكم قبل كدا .. ما عفريت